هو أنا أستاهل ..
بقلم روضه زيدان
أصعب لحظه هتمر عليك هي اللي هتبص فيها لنفسك وتقول
مكنتش أستاهل كل ده !!
أنا مقدمتش غير كل طيب لي أتقابل كده ،هو عشان كنت طيب معاهم أتوجع وتبدأمرحله لوم النفس تفضل تلوم نفسك
وتعذبها وتضغطها لحد متدخل ف مرحله أصعب وهي الخوف والتوهان وعدم الاستقرار النفسي
بس لو للحظه فكرنا كويس ف البدايه …
هنكتشف أن أصل كل واحد بيخرج ف مواقف معينه
هو ميقدرش يتصرف غير كده عشان ده طبعه وقدرته
فمتشيلش نفسك اللوم وتفضل تنتقد نفسك وتحسسها بالتقصير
لان اي علاقه مبنيه علي التفاهم والتقدير
متلموش نفسكم هونوا علي روحكم
أنتو تستاهلوا كل حاجه حلوه
بس مع ناس صح وتشبهه روحكم
