تامر حسنى ومشاركته فى مساعدات الهلال الأحمر لإغاثة متضررى المغرب وليبيا.
رانيا درويش رئيس قسم الفن
بمجموعة أور الفنية والإخبارية
برئاسة الإعلامية د نشوى فوزى
نشر الفنان المصرى تامر حسنى عبر حساباته الرسمية الخاصه إنستجرام ، فيسبوك، مجموعة من الصور أعلن فيها عن مشاركته فى حملة مساعدات جمعية الهلال الأحمر المصرية لإغاثة متضررى زلزال المغرب وإعصار دانيال وفيضانات فى ليبيا
وعلق على الصور بدعوة لجمهوره للمساهمة فيى دعم المتضررين فى البلدين.
وكتب تامر قائلاً: مساء الخير عليكم.. شبابنا وكل أهالينا في مصر طبعاً كلنا شوفنا اللي حصل في المغرب وليبيا وأكيد كلنا في أشد حالات الحزن ونفسنا نعمل حاجة.
وأضاف : كلامى للى قادر.. واللى مش قادر جزاه الله كل خير لو كثف الدعاء لأهالينا وإخواتنا..
وأكمل قائلاً : (مش هطول عليكم.. يا جماعة عندنا فى مصر جمعية الهلال الأحمر المصري بجد ناس ليهم الجنة إن شاء الله انا فخور بيهم أوي وبحبهم أوي من كل قلبي، دول ناس رحيمة وهبوا حياتهم لخدمة الإنسانية وكل يوم عندهم شباب جميل متطوع لخدمة الإنسانية، الحقيقة إن أنا بمشيئة الله دايماً معاهم في كل أزمة بتقابل مصر أو أي شعب عربي بس أكيد أنا مش كفاية)،
وتابع: (أتمنى من كل مصري إنه يهتم بالجمعية العظيمة الرحيمة دي ويحاول يقدم أي دعم ولو بسيط ليهم، وأتمنى إن اللي ميعرفهمش يحاول يعرفهم كويس عشان لو عرفهم وعرف دورهم وإزاي بيخاطروا بحياتهم عشان سلامة وإنقاذ البشر هيبصلهم بنظرة عظيمة تانية)،
وإختتم تامر حسنى رسالته قائلا: (من قلبي كل المواساة لأهالينا في المغرب وليبيا ومن أرض مصر بنقولكم كل مصر معاكم وخالص تعازينا لأسر الضحايا من أهالينا وكل الدعاء لعودة وسلامة المفقودين منهم ربنا يصبركم ويحفظكم ويحفظ أمتنا العربية).
