قصيدة “كفاية صد” للشاعرة “إحسان صادق”.
رانيا درويش
رئيس قسم الفن بمجموعة أور الفنية والإخبارية
برئاسة الإعلامية د نشوى فوزى
“كفاية صد”
أعاصير شديدة وزلال بيهز البلاد
بتوجع وتفجع قلوب العباد
لابد ولازم من وقفة
ونبطل مكابرة وعناد
ونرجع لرب كريم
هو سندنا و العتاد
لازم نبص لقلوبنا
ونصلح كل الفساد
ونعرف بجد…
مالناش غير رب واحد
ونوضع للشيطان حد
وننضف كمان قلوبنا
من كل شر وحقد
كلمة وبقولها تملي
وهتبقى ليوم الوعد
كفاية طمع ف الدنيا
نحتاج شوية زهد
وندعي كل اللي داقوا
فواجع ماليها حد
إرحم يارب موتاهم
وهون عليهم المصاب
نجينا يارب جميعا
وإفتح قلوبنا لعبادتك
كفاية يارب صد
كفاية ياخلق بعد
كلمات الشاعرة / إحسان صادق
