حقيقة خلاف “نيلى كريم” مع العدل جروب ومحمد رمضان.
كتبت / رانيا درويش
إستضاف برنامج “الراديو بيضحك” الذى تقدمه الإعلامية فاطمة مصطفى عبر راديو 9090 الفنانة “نيلى كريم” وخلال اللقاء أكدت النجمة أن لا خلافات بينها وبين صناع فيلم “ع الزيرو”، ولا يوجد أى خلاف بينها وبين الفنان “محمد رمضان” كما تردد من البعض لغيابها من العروض الخاصة للفيلم.
وقالت “نيللى” : “مفيش عندي تعليق غير إنى كنت سعيدة بالشغل مع المخرج ماندو العدل ومحمد رمضان، لكن بالنسبالي كورق ودور إعتبرينى ضيفة شرف في الفيلم”. وأضافت: “ع الزيرو” فيلم محمد رمضان والطفل منذر مهران، ورحلتهم هي رحلة الفيلم… ناس كتير إتكلمت فى حاجات كتيرة، أنا مفيش عندى مشاكل مع حد، لكن عندي إختلافات في وجهات النظر كممثلة”.
وأكملت حديثها : “دايماً شركات الإنتاج مفيش فيها إدارة ممثل، محدش قلبه على الممثل إزاي يطلعه بأحسن شكل، وأعمل له أحسن حاجة، وكل منتج همه على المشروع ككل، ولو مخططتيش لنفسك عايزة تعملى إيه محدش هيعملك ده”.
وكشفت الفنانة “نيللي كريم” تفاصيل مشاركتها في الموسم الرمضانى المقبل لعام 2024، مؤكدة أنها ستعمل على تغيير مسارها الدرامى خلال الفترة المقبلة.
وقالت :أنا الحقيقة بقالي فترة عايزة أريح لإنى تعبت لإن كل رمضان بشتغل بقعد 4 شهور، يمكن السنة دي الدور كورق أقل من المسلسلات اللي فاتت يعني مثلًا فاتن أمل حربي كان من الجلدة للجلدة فأيام الراحة اللي خدتها كانت قليلة أوي، والسنة دى إن شاء الله هعمل حاجة مختلفة وهيكون مسلسل كوميدي، أحب أفرح الناس، أنا تعبت من الدراما التقيلة وتعبتني نفسياً وخلاص زهقت وعايزة أدخل فى مرحلة مختلفة.
وأكدت أن الفترة القادمه هيتم تركيزها في تقديم الأعمال السينمائية ، قائلة: عايزة أركز فى السينما لإن يمكن أنا مقصرة وبقالي كتير مبقدمش حاجة، السينما ليها طعم مختلف، ووحشتنى السينما.
