علاقة سامة يعني أيه ؟
بقلم: ميرفت عبدالله
علاقة سامة يعني ايه
يعني سم بطىء بيسري في دمنا
يعني حرمان من قلب صادق يضمنا
يعني الحياة تقف هنا
عند الوجع اللي بيعصر قلبنا
يعني اشتاق الاقي فراق!
ولو أبعد تعود مشتاق
وأحس اني لعبة في ايد حريف
قادر يحول الربيع لخريف!
قاتل بالعمد لعمرنا
خانق النبض في قلبنا
علاقة سامة يعني موت بطىء
يعني قلب غريق
في بحر قاسي
لو يوم بيحضن حلمنا
ايام وشهور
وسنين كمان بيهدنا!
