علاقات سامه
بقلم روضه زيدان
بمناسبه مسلسل سفاح الجيزه
واللي اتعرض منه ٦ حلقات لحد دلوقتي …
أحب أتكلم ف نقطه تخص البنات
كل واحده السفاح عرفها لعب علي نقطه ضعف جوا كل واحده فيها
وهو الرجل المثالي اللي مافيهوش غلطه ..
متدين وهادي ورومانسي وسخي وبيريح ف الكلام الراجل اللي كل بنت بتحلم بيه وبدور عليه ف حياتها
بس أحب أصدمك أن مافيش حد كامل ولا حتي أنتي
لما بندور علي الحب بندور علي التفاهم والامان علي حد يصونا
مش مجرد كلام حلو بنسمعه ..
كتير بسمع عن مشاكل بتحصل
أن البنت بتكتشف بعد الخطوبه
انه متجوز او انه كداب وحاجات كتير ..
لان ببساطه أنتي ركزتي ف جانب ورميتي باقي الجوانب مهتمتيش بتفاصيل اهم
العلاقات ياتكون مريحه يابلاش صحيح محدش عارف القدر مخبي اي
بس برده محدش قال مندورش ونعمل اللي علينا ..
كل علاقه سفاح الجيزه مر بيها كانت اغرب بس ف الست
علاقته بسلمي ازاي ست تستحمل راجل ٣ سنين بنسبه كبيره مسافر بعيد عنها شغل مش مثلا مقيم ف دوله عربيه لا بيروح ويجي
ازاي مشكتش ولا فكرت تدور وراه مره ….
زينه ازاي الطموح قتلها لدرجه تصدقه وتسحب وراها صحبتها وتوصل لموت وبرده تكمل ..
مرات صاحب المصنع ازاي قدرت تصدق ان راجل بتخوني جوزك معاه هيبقه عليكي وهيكمل حياته معاكي ..
بعيدا عن شخصيه السفاح واحداث المسلسل بس تحليلي لل٣ اشخاص دول
انهم فكروا ف اهدافهم وبس مافيش وحده فيهم فكرت ف ازاي بتتتحقق ولا مع مين
ودي مشكله كل البنات بتقع فيها ..
فكري ميت مره واسالي ودوري قبل
متاخدي قرار مصيري ياعالم هيوصلك ل اي ..
