موج البحر
بقلم: ميرفت عبدالله
يا موج البحر يا هادي
بتهدي الحب لفؤادي
وبتعلم نبض القلب
ازاي يقدر يعشق ويحب
ما بين الموجة والتانية
اسرار مدفونة في البحر
ما تظهرها ولا ثانية
غلب بحرك بحور الصبر
يا موج قادر اوي وفاكر
دموع عيني وانا حضناك
تشيلني لفوق وترميني
على شط الهوا اللي هناك
وانا اهرب وما ارجع لك
غير لما تهدأ يا موج البحر
علشان اقدر اعوم وحدي
وأقدر كمان اعود للبر
لكن عارف كثير بشتاق
تقوم تاني وتعلا لفوق
تاخدني معاك انا والاشواق
وتشتد رياح سنداك
تعلا لفوق وانا وياك
وترميني على شط الأمل والحلم
أو تحضني تغرقني
اموت ويعيش جواك السر
وتبقى ذكرايا غنوة
يغنوها كثير عشاق
بلحن الحب والاشواق
تكون بلسم
تكون ترياق
دوا وبلسم للمشتاق.
