أحلم
بقلم: ميرفت عبدالله
أحلم اد ما تقدر
أحلم أكثر واكثر
أحلم
بس الحلم لازم يكون
راضى عنه رب الكون
أحلم وبكرة الصعب يهون
توصل لحلمك فين ما يكون
أحلم
احلم وعافر
صدقني قادر
انك تحقق حلم السنين.. .
عدي المصاعب قلبك متين
لو حد جرحك
أنساه وفوت
حتلاقي فرحك
وجرحك يموت
ساعات الحلم بيبقى كبير
خد من عمرك سنين كثير
بس لو الحلم ده وهم كبير
جوه الوهم ليه عشت اسير
حرر نفسك من الأوهام
دور تاني بين الايام
أحلم تاني بسرعة اوام
اوعى الوهم يكسر عزمك
يخطف منك نجمة حلمك
أحلم ولو الحلم بعيد
بايمانك توصله أكيد
واحلم اد ما تقدر
أحلم أكثر واكثر
أحلم ..
