احنا مين؟
بقلم: ميرفت عبدالله
في عز الوجع والانهيار
وسط الظلام
وسط الدمار
كان الضباب مغطي الديار
وهى واقفة ساندة طولها
قادرة بإبنة و أبن بار
ترفض تعيش ويعيش ولادها
في كهف ضلمة
أو يستخبوا في جحر فار
رفعت راسها وندهت ولادها
اتحدوا ضد الأشرار
مين اللي خان
وفين الأمان
لازم يا أمي نغلب شيطان
قالت يا ولدي
يا فخري وعزي
يا املي وسندي
شد حيلك يجي النهار
قالوا الولاد
يا أم البلاد
ابنك حكيم وعنيه نهار
رمى نفسه وسط النار
خطط وعافر
قدر ووصل
وخطى بينا لبر الأمان
نده علينا يا مصريين
يا أخواتي وولادي
وأبويا في الوادي
يا امي يا ملكة
بأفديكي بفؤادي
رد الشعب كله
قال ان أنت أمله
اخترناك رئيسنا
وده بإرادتنا
صون أمنا
وأحفظ أرضنا
ومالنا وعرضنا
من لصوص الليل
ومن الظلام والويل
مصر هبة النيل
صانها ابن أصيل
وأحنا معاه ووراه
ساندين الخطوة معاه
يا مصر يا امنا
فدناكي بدمنا
يا مصر المصريين
رجال جيشك قادرين
عالحمل وشايلين
همك وهمنا
وشعبك كله رجال
غنوا عنه موال
قالوا عنه ياما شال
ولا عمره يوم ينحني
يا ريس يلا عدي
بينا لبر الأمان
قادرين على التحدي
مهما يمر الزمان
ومهما طال الليل
لازم يجي النهار
يا مصر يا مصريين
احنا مين
احنا المصريين
احنا اللي بيحكوا عنا
على مر السنين
ياما حاولوا يغيروا فينا
لكن يغيروا مين
أصلنا الطيب ملينا
لكن وقت اللزوم
قادرين عالظالمين
احنا المصريين
واعين اوي وفاهمين
صابرين ومتحملين
لأجل بكرة يكون جنة لينا
لأبني محمد وأخوه مينا
يا مصر يا أمنا
فدناكي بدمنا
شعوب العالم عارفين
مين أحنا..
أحنا مين
احنا مصر المصريين
تحيا مصر 🇪🇬❤️
