افرح
بقلم: نيفين ملاك
في كل لحظه افرح
الدقيقه دي فيها موقف اختار حاجه منه تفرح قلبك وافرح
الشخص ده قابلته اختار انك تفتكر اي حاجه حلوه منه وافرح
المكان ده في ذكريات مضايقك اختار اي ذكري منه تفرحك وافرح او اختار اي حاجه تفكر فيها وتفرح
المهم افرح وخلي فرحك من جواك اوعي تستناه من بره
افرح في كل لحظه علي قد طاقتك
القلب المليان حب لربنا قلب فرحان ويقدر يعيش الفرحه
افرح فرحتك هاتفرح غيرك
افرح وانشر الفرحة حواليك
يا بختك يا فرحان
