صباح الخير يا أمي❤️🌹
بقلم: ميرڤت عبدالله
صباح الخير يا ملاكي
يا جنة ربنا عالأرض
عيون الدنيا عرفاكي
يا قلب كبير مليان ود
صباح الخير يا جميلة
يا نبع الخير يا أصيلة
أمي حضنك أمان
قلبك نبع الحنان
يا أغلى وصية من الرحمن
صباح الورد يا ملكة
على عرش القلوب حاكمة
ولا قبلك ولا بعدك
يكون له في القلب غلاوتك
صباح الخير يا أمي
يا شايلة طول عمرك همي
وقادرة تعافري وتعدي
وتاخديني لبر أمان
ولو حتى تاه الربان
سفينتك قادرة تتحدى
وتوصل بينا مهما كان!
صباح الخير يا أمي
صباح الخير يا ملاكي
