ست الحبايب 💚🌹
بقلم: ميرفت عبدالله
ومن تانى يا ماما أنا جيت
بدمعة خوف ..
وكلمة اه ..
موجوعة يا ماما يا ريت
بقلبى أشوف
لحظة أمان..
مخنوقة بجد يا ريت
تضمينى
تخبينى
وتدعيلى
انا محتاجة للراحة
انا من الدنيا تعبانة
وبأتمنى اعود للبيت
هنا فى بيتك
هنا بيتي
امان قلبي
خدي بأيدي
وضميني
محتاجة كثير اوى حضنك
محتاجة لطيبة قلبك
أنا جيت لك وعطشانة
لنيل عطفك وأمانك
أنا جيت لك
وندمانة
حاجات ياما بتوجعني
وأملي ألاقى في حضنك
دوا قلبي
أمان روحي
خديني اوام وضميني
يا أمي في حضنك خبينى
.. وخبيني!
