لو تقدر؟
بقلم: ميرفت عبدالله
بتقول وحشك فيا زمان
عاوز تعيد تاني اللى كان
تدفع كام؟
والدفع كاش مفيش كلام
مطلوب سنين مش أيام
سنين لو تقدر رجعها
شيل مني جراحك وأمنعها
رجع لي نفسي ببرائتها ..
رجع لعيوني ضحكتها ..
رجعني وعارف بصراحة
لو ممكن أرجع مرتاحة
أنا أيه من تاني يغصبني
وليه من تاني تعذبني
أنا أجري بعمري سواحة
وأكيد مش حرجع بصراحة
يعني بالعربي متحلمش
وبأى طريقة ما يمكنش
أنى ارجع تاني بزماني
ولا أرجع وأنا هنا في مكاني
وده مين لو مات يرجع تاني!
