سكة العاشقين
بقلم: ميرفت عبدالله
خلاص كده بعدنا عن سكة العاشقين
بقينا يادوب أصحاب نتكلم كل فين
خلاص نزلت ستاير العشق والحنين
قلبك معدش طاير في سما قلبى الحزين
وقلبى ضامم حنينه ومخبى دمعتين
دمعة على حلم عاش رغم الوجع سنين
ودمعة لما مات معرفش يدفنه فين
مبقاش عارف علشان
احنا اللى أخترنا كده
لما ضاع الأمان
ضحينا بحلمنا
لكن بجد ساعات
بيكون الأختيار
لو بين حياة وممات
مؤلم طعمه مرار
نختار أو ما نختار
فات آوان القرار
ودعنا بعضنا ..
وخلاص معقول بعدنا عن سكة العاشقين
معقول تقدر قلوبنا على شوقها وعالحنين
قلبك معدش طاير في سما قلبى الحزين
وقلبى فك ضفاير العشق والحنين
وجع الوجع يا قلبى
عامل جدع تملي
ما أنا قلت لك بلاش
زمان وزعلت مني
