أنا والمرايا
بقلم: نيفين ملاك
– الله شكلي النهارده حلو قوي طبعا علشان عيد ميلادي الاربعه والعشرين جميله انا قوي عايزه اسرح شعري بسرعه علشان اخرج مع صاحبتي ناهد وتقولي كل سنه وانت طيبة يا سلوي واكيد عامله مفاجأه ليا والشله معاها والهدايا الحلوه بتاعتهم بسرعه بقي يا سلوي اسرعي الله علي جمالي في المرايا شعري أصفر جميل ولبسي حلو قوي
ايه ده جرس الموبيل تالت مره يرن اكيد ناهد ارد بقي
– الو مين معايا
– تيتا أنا سهير انتي فين بنرن عليكي
سلوي سكتت تيتا مين هو أنا تيتا
– الله ؟!!!صورتي في المرايا !! ايه ده !!!بيش بتاعتي ده حد عجوز ووشه كله تجاعيد
مين الصح أنا ولا المرايا
– تيتا ردي عليا
