مكالمة مفرحه
بقلم نيڤين ملاك
جربت تعمل كل يوم مكالمات مفرحه لقلوب اللي حواليك
حددت أسماء معينه تكون محتاجة تسمع كلمات مفرحه تكلمها وتقول كلمات تفرح قلبها
يعني مثلا اللي انتقل من حياته حد غالي عليه اكيد سؤاللك عن أحواله هايفرحه
واللي حزين ومهموم من حاجة لما تسأل عليه هاتفرحه
واللي فرحان بأي مناسبة سعيدة بعيد ميلاده أو نجاحه او اي انجاز ولو بسيط عنده حايفرح بمكالمتك وهايفرح بفرحتك له
شوف تقدر تفرح كام واحد بمكالمتك وكلماتك اللي طالعة من قلب يعرف يحس بغيره
خلي وجودك او مكالمتك تفرح القلوب وافرح للناس هاتلاقي ناس تفرح لك
أسند الناس هاتلاقي ناس تسندك
طبطب علي قلوب الناس هاتلاقي اللي يطبطب علي قلبك
دعوة لمكالمة تاخد من وقتك دقيقتين تفرح فيهم قلبين قلبك وقلب اللي قدامك
فكر بسرعة هاتكلم مين
