يمكن ..
بقلم: ميرفت عبدالله
لسه الحياة شايلة
في جرابها كام وردة
وبتعاند الأيام
دي وردة للذكري
متعطرة بلحظة
ولو عطرها أوهام
ودي وردة لبكرة
رغم الوجع قادرة
تعطر الأيام
ووردة أمل صابرة
قادرة تكون شايلة
كثير من الأحلام
ياللي زرعتوا الورد
وصنتوا لينا الود
قادرة ورود الغد
تعطر حياتنا بجد
نودع الأحزان
يمكن آن الآوان
تطرح قلوبكم ورد
يحضن قلوبنا بجد
ونصالح الزمان
يمكن ..
يمكن آن الآوان.
