رحم الله الدكتور احمد خالد توفيق “العراب”شاء من شاء وابي من ابي
كتب د: سامح الهواري
منذ ساعات مضت طل علينا صاحب الطله البهيه، والترندات المستويه منتقدًا رمز من رموز الثقافة المصريه والعربيه
احد من علم شباب جيلنا حب القراءه والذي زاع صيته في الاوساط الثقافية المصريه والعربيه والعالميه بعد جيل من الادباء والمثقفين امثال العقاد والمازني وعبد القدوس ونجيب محفوظ وغيرهم .
وانا بعتنق فكر أنه ليس هناك أحد فوق النقد لكن السؤال الذي استوقفني كثيرا هو ” من الناقد ” لما اللي بينتقد يكون محسوب علي الاعلام المصري يبقي لازم علي الاقل انه يفرق بين العمل الفني المأخوذ عن روايه والروايه نفسها ،
فنجيب محفوظ نفسه قال من يريد ان يتعرف علي رواياتي فليقرأها
فده ان دل علي شيء فهو يدل علي سطحيه حضرتك وانك ماكلفتش نفسك تقرأ قبل ان تنتقد الراجل ، فألف باء اعلام هو تعلم قبل ان تتكلم ،.
مش زنبنا انك مش قادر تفهم ارتباطنا كجيل بهذا العلم وكيف اثر في شباب جيلنا ويوم رحيله كان بكائنا عليه كأنه فرد من اهلنا الدكتور احمد خالد توفيق مش مسئول عن الاخراج ولا السيناريو كتابه الدكتور احمد لرويات ما وراء الطبيعه ماهي الا فنتازيا رعب وجريمه والغاز
نجيب محفوظ نفسه في فتره شبابه اخذ في كتاباته العديد من السناريوهات لافلام كانت من تأليف غيره زي “مغامرات عنتره وعبله” و “انا حره” لاحسان عبد القدوس ” وجعلوني مجراً ” الذي كان من تأليف وحش الشاشه فريد شوقي وكمان اللي عايزك تعرفه ان نجيب محفوظ نفسه رفض كتابه سيناريوهات معظم الافلام اللي اتخذت من رواياته ففي ” القاهره ٣٠ ” كتب له السيناريو صلاح ابو سيف وفي “الكرنك”كتب له السيناريو ممدوح الليثي وفي ” بدايه ونهايه “فكان من حظ صلاح عز الدين .يارب نكون فهمنا وكمان الراجل مات يعملك ايه تاني علشان تسيبه في حاله وما تحاولش تطلع ترند علي قفاه يروح يموت تاني يانجم
المهم دلوقتي عندي سؤالين عاوز اسالهم لحضرتك :
الواد اللي كان بيدور على شيماء لقى البطة ولا لسه ؟!
وعريس الغفله لسه بيتجوز ولا خلاص .
واخيراً نصيحه مني يارب نتقي الله في رموزنا وفي أمواتنا .
