محبي القلوب الفرحانة
بقلم نيڤين ملاك
جرب ومش هاتندم
جرب تحاول تفرح قلب أو ترسم ضحكة تنور وش حد
شوف الفرحة جوة قلبك هاتكون ازاي هاتكون أضعاف أضعاف اللي قدمته
كتير من الناس اتعودت تاخد ماتديش دول ناس متعرفش معني السعادة
ناس تانية ممكن تلاقي إمكانياتها بسيطة جدا بس تعرف تعطي كويس جدا عندهم موهبة العطاء
تلاقي الإنسان اللي بيعرف يدي وشه بيضحك بيرضي بالقليل وبيفرح بيه وتلاقي ايده فيها البركة .
لو عاوز تفرح قلب ونيتك فعلا كدة هتلاقي نيتك اتحولت ليك
ازاي تفرح قلوب
فرحهم بكلماتك الحلوة
فرحهم بالتشجيع علي اي انجاز ولو بسيط
فرحهم بحضن وطبطبة
فرحهم بقعده حلوة مبهجة
فرحهم بتعليمهم حاجة جديدة
فرحهم باكتشاف نفسهم
طرق الفرح كتير جرب تفرح قلوب الناس حسب امكانياتك وشوف فرحة قلبك هاتكون ازاي
