اتكلم ولا أسكت؟!!!
بقلم: نيڤين ملاك
لو اخترت السهل اتكلم حتي لو مش فاهم ولا عارف
لو اخترت الصح اسكت لو مش متأكد إلي أن تتحري صحة الكلام
جريمة كبيرة بيعملها كتير من الناس هي أنهم يتكلموا في موضوع معين وهما مش عارفين ولا فاهمين تفاصيله او حتي خلفياته لا والاكتر انهم ممكن يبهروك بمعلومات عنك انت نفسك متعرفهاش عن نفسك
او تلاقي النوع دا من المجرمين قال حاجه تقلب الدنيا بغرض تشويه صورة حد أو سمعته واستقراره
الحكايه مش بتقف عند الأشخاص بس لكن بتزيد الاذيه علي أسر وعائلات وكيانات ويمكن كمان بلاد علي بعضها
تلاقي الإنسان المؤذي ادي شراره عن موضوع بايحاءات او تلميحات واحيانا مباشرة ويساعد علي انتشار الأشاعات ناس فضلت تتكلم من غير ماتتعلم ايه الصح وايه الغلط
ومجرد الموضوع يبقي اتقال لفردين أو ثلاثة تلاقيه انتشر زي الفيروس في الجو بيزيد بالاختلاط
كلنا لينا دور أننا نسكت الاشاعات ويا نقول كلمة كويسة أو نسكت
وزي ما تعلمنا ان كان الكلام من فضة يبقي السكوت من ذهب
