ستارة الأحلام..
بقلم: ميرفت عبدالله
مديتي ايديكى فتحتى
ستارة الاحلام
وخطيتى خطوة ورا خطوة
خطوة حب
خطوة سلام
حضنتى الحلم جواكى
وجوه الحلم قلبك نام
الحلم في حضنك لكن ضايع
ما بين شارى وبين بايع!
وليه تحضنى حلم مش فهماه
وجايز كمان ولا حساه!
أرجعى الخطوة الحزينة
ألبسي تاج الأميرة
ارفضي لحظة هزيمة
في حضن حلم بتحلميه!
مدى أيديك في الخبايا
عدي كام حلم معايا
أحضنى حلم الأماني
افرحي من القلب تاني
الحلم الضايع ودعيه!
كملي الخطوة وسمي
بسم الله قادرة تعدي
بالأمل وبالتحدى
قادرة بايديك تمسكيه
وأحلمي تانى ولكن
اوعى من الحزن اللى ساكن
جوه قلبك وفي الأماكن
أغزلى بالحب فرحك
داوى بالمحبة جرحك
أحلمى الحلم وعيشيه
