ورقة شجر!
بقلم: ميرفت عبدالله
ويشاء القدر
اوراق الشجر
ورقة ورا ورقة
تقع من الشجر
يجي الخريف
من غير تزيف
يقع كل الورق الضعيف
اصل الضعيف ملوش مكان
ذبلت زهوره عالاغصان
وغصن عن غصن فرق!
ده غصن صان
زهر وورق
وده غصن خان
وجع وحرق
كل اللي صان
حضنه الزمان
قدر وعدى لبر الامان
أما اللي خان
ده مالوش امان
ورقة شجر ملهاش مكان
وقعت على أرض النسيان
ضاعت بأمر من الزمان
ويشاء القدر
اوراق الشجر
ورقة ورا ورقة
تقع من الشجر!
