عاوزة اعيش!
بقلم: ميرفت عبدالله
انا عاوزة اعيش اللي ما عشتوش
انا عايزة قلب يحب بجد وما املوش
إحساسه عالي ونبضه غالي
ومعاه اشوف اللي ماشفتوش
واعيش بجد اللي ما عشتوش
انا مش حاضحي لاي حد
لكن بجد لو حب جد
وحسيته واطمن قلبي
حيكون بيته جوا فؤادي
واعيشه اللي ما عاشهوش
واخده لعالم عمره ما شفهوش
انا عاوزة اعيش
مش عاوزة تاني جراح
انا قلبي بقى سواح
عايش في دنيا براح
من غير وجع وارتاح
قادر يحب اوي وفرفوش
انا عاوزة اعيش
أنا عاوزة اعيش اللي ما عشتوش!
