مشوار حياة!
بقلم: ميرفت عبدالله
مشوار الحياة ماشي
رايح ومش راجع
فاكر أو كنت ناسي
جرح ولا مواجع
كله لا بد يفوت
والدنيا بتنسي
كل الألم بيموت
لما بنتأكد
أن الوجع كان عدم
لأنه ما كان في محله
واللي اتوجعنا علشانهم
كانوا اوهام وسراب
عشنا الحلم وصدقناه
لكنه كان كداب
علشان كده حننساه
ولبكرة اتعلمنا
ما نصدق غير إحساسنا
ونكدب الكداب
مشوار الحياة ماشي
رايح ومش راجع
فاكر أو كنت ناسي
جرح ولا مواجع!
