أمي
بقلم: ميرفت عبدالله
لو عنك جايةاحكي
لو في عيدك أهني
ايه اقول وانا حتة منك
وأنتي كلي يا امي
ومهما حكينا عنك
صعب نديكي حقك
كل كلام الاغاني
لو غنوا وعادوا تاني
وحكايات الاماني
كلها بتقولك انتي
بسمة امل علشاني
قوة بشكل تاني
انتي غير كل البشر
في نهاري شمس
وفي ليلي قمر
قلبك بيحس
لو لحظة خطر
عيونك مرايتي
وفي دعوتك هدايتي
وحدك وبس انتي
كل الامان حبيبتي
امي ولأنك امي
انا بيكي بأفتخر
وفي عيدك لو أهني
ولو عنك قالوا احكي
ايه اقول وانا حتة منك
وأنتي كلي يا امي
