ليه؟
بقلم/ ميرفت عبدالله
والقلب يحن لخاين ليه
ليه يرضى بظلم ووجع لياليه
لو كان العشق ذل وهوان
وحبيب قاسي بياع خوان.
بلاش من حب بيجرحنا
قادرة الدنيا تفرحنا
بدعوة صادقة من القلب
قادر يحققها لنا الرب
والحب يكون بس لاحباب
حقيقي بجد يحبونا
وبلاش من حب وجع وعذاب
وعيون بالغدر وجعونا
انا قلبي خلاص قفل الباب
مفتاحه معايا انا لوحدي
ولا شوق من تاني
ولا أي عذاب
ولا حب عجيب بيمرجحني
وليه نحلم حلم يجرحنا
يخدنا لفوق ويطير بينا
يرجع من تاني ويرمينا
والقلب يحن لخاين ليه
القلب يحن لخاين ليه
