مجرد غنوة
شعر / نادية عبد الله
مراجعة وإشراف/ ميرفت عبدالله
لسه باقي لك عمر تعافر
لسه فضلك عمر تسافر
جوه عيون الناس مشواير
انت حقيقة ولاحياتك
وهم كبير!
لسه الغيم مقسوم نصين
نص الحزن ونص الطير
طير بيسافر بره الحزن
بره الكدب وبره الجبن
صوتك غنوة مابتكملش
صوتك قوة
وضعف وجرح
لسه فضلك كام سنة
ولا ساعات ولا دقايق
ولا حالات…
مرة حكيم ومرة غشيم
ومرة تقول العمر حنين
اوعى تحن تانى لدنيا
ملهاش كلمة
مجرد غنوة!
ريشه فى هوا
دموعى خنتنى
روحى سابتنى
ريشه فى هوا
طرف الهوا روحى
وقلبى من غير دوا
