الشعب المصرى
بقلم: تنازيه نوفل
خطوط الوش الشقيانة و الايد اللى بتاكل من شقاها و الضحكة اللى بتطلع فى عز التعب مهما كان الكتف شايل
كل مسألة ليها معطيات و نتائج …و علشان تحكم على الشعب المصرى …بص لتاريخه و معطياته …تعرف النتيجة
انا بتكلم عن شعب
شخصية شعب مر عليه كتير…العند عنده بيولد عند …بتسد له طريق بيعرف يشق مليون غيره …هتحاصروه من هنا و هناك و هتضغطوا عليه …هيتصرف ….هيبهر كل اللى اتفق انه يهزمه
مخططات بقى او اجندات او ……رصوا المكايد جنب بعض
وهقولكم
انسوا ….انكم تكتفوه …تكسرله جناح ….يطلع له غيره …و هيبهركم اكتر لما كل واحد يحط ايده فى ايد اخوه
ما انا و ابن عمى على الغريب …ويا ويل الغريب من شخصية شعب مصر
ده منهج يدرس ….فصول و فصول مالهاش نهاية …هتسد ترعة هيشق لكم نهر … هتمنعوا غاز ….هيخترع اللى مجاش فى بال
اصل الحكاية ….حكاية حب و كرامة …وقت الخطر …بنحضن بعض كلنا و نبنى سد
ايوة سد
بس سد نسد بيه كل نقص ….هنزرع و هنصنع و هنشقى و هنتعب لكن مش هنتحوج لحد …ما احنا شعب مش بيتلوى دراعه فى اى وقت
ونسيت اقولكم اننا شعب …جيشه
