تامر حسنى ونصيحته لجمهوره لتخطى المراحل الصعبه.
كتبت رانيا درويش
نشر مؤخراً الفنان تامر حسنى على مواقع التواصل الإجتماعي عبر صفحته الرسميه على “فيس بوك” و “إنستجرام” ، منشوراً وجه من خلاله نصيحة لجمهوره لعبور المرحلة التي نعيش فيها في الوقت الحاضر.
وكتب تامر قائلاً: “إحنا في فترة من حياتنا عمرنا ما عدينا بيها قبل كده والكل تعبان وكتير مننا محتارين وكتير تايهين ومستغربين ومش مصدقين اللي بيحصل واللي شايفينه قدام عنينا”.
وتابع: “دلوقتى كنت بسمع شيوخ كتير بيتكلموا عن إننا لازم نقرب لربنا عشان ده الحل الوحيد لكل الأديان عشان نخرج من الضلمة اللي عايشينها للنور”.
واختتم: “فى النهاية إننا نقرب لربنا أكتر أكيد حاجة أحسن وأكيد أحسن إننا نفتح القرآن ونقرأ فيه.. قراءة القرآن فى حد ذاته أصلاً ثواب كبير.. سبحان الله وبحمده جمعة مباركة على الجميع”.
يُذكر أن آخر أعمال تامر حسنى هو فيلم “تاج” الذى طرح في موسم أفلام صيف 2023، وشاركة بطولة الفيلم عدد من نجوم الفن من بينهم : (دينا الشربيني ،هالة فاخر ، عمرو عبدالجليل ، ساندي ، حمد فتحي أبو الريش)
وحقق “تاج” إيرادات مرتفعة فى دور العرض المصرية، حيث تخطت إيراداته 42 مليون جنيه مصرى ، وتم سحبه من دور العرض مؤخراً.
