قلبي تحطم
بقلم روضه زيدان
كتير منا بيقول الجمله دي
(قلبي تحطم لم أعد كما أنا فخذلني كل شئ حتي من قلت عنهم أحسن ماأختار قلبي
ففقدتهم وفقدت قلبي )
الحقيقي أن كتير مننا بيمر بالحاله دي ، تحطم وإنهيار وبكاء وتوهان وفقد للشغف وفقد للحياه
وخوف وتوتر ومشاعر كتير متلغبطه
لمجرد إختيار رمينا فيه كل طاقتنا
مش كده وبس ده أحنا حولناه من شخص ف حياتنا لمحور كامل بتدور حواليه حياتنا .
ونرجع بعد مايمشي نبكي ونحزن ونخاف ونقول لي سابنا
الإيجابه عندكم !!
محدش ينفع يكون محور حياتنا
حياتنا متقسمه لادوار وأجزاء
حياتنا فيها تفاصيل كتير مينفعش تقتصر علي شخص واحد
أحنا اللي بنحطم قلوبنا بتصرفتنا
واختيارتنا .
قبل ماتختاروا أعرفوا أنتوا عاوزين أي ناقصكم أي اللي جاي هيكمل أي
أتصالحوا مع العيب قبل الميزه مع معني الحب وأنا محتجاه ليه
وقتها هتختاروا اللي يعمر كل اللي أتهدم .
